Qazaxıstanda qəzaya uğrayan Azərbaycan aviaşirkətinə məxsus təyyarənin sərnişinlərinin xilas edilməsində iştirakına görə ölkənin Fövqəladə Hallar Nazirliyinin bir qrup qazaxıstanlı əməkdaşı, həkimlər, polislər, Manqistau Regional Elektrik Şəbəkəsi Şirkətinin və Aktau Beynəlxalq Hava Limanının əməkdaşları dövlət mükafatlarına layiq görülüblər.
Yeniavaz.com xəbər verir ki, bu barədə Manqistau vilayəti administrasiyası məlumat yayıb.
Bildirilib ki, bölgənin rəhbəri Nurdaulet Kilybay Qazaxıstan Prezidenti Kasım-Jomart Tokayevin sərəncamına əsasən, 19 nəfərdən ibarət qrupa dövlət mükafatları - orden və medallar təqdim edib. Daha 51 nəfər dövlət başçısının təşəkkür məktublarını alıb.
Tətbiqimizi yükləyə bilərsiniz
