Yer kürəsində zəif olaraq qiymətləndirilən G1 sinifli maqnit qasırğası başlayıb.
Yeniavaz.com xəbər verir ki, bu barədə “Phobos” hava mərkəzinin aparıcı mütəxəssisi Mixail Leus teleqram kanalında məlumat yayıb.
“Bu səhər, Moskva vaxtı ilə səhər saat 7:58-də (Bakı vaxtı ilə 8:58 - red.) Yerin maqnitosferindəki pozğunluqların səviyyəsini əks etdirən Kp indeksi 5 vahidə çatıb ki, bu da zəif G1 sinifli maqnit qasırğasının başlanğıcını göstərir”, - məlumatda deyilir.
Proqnozlara görə, maqnit qasırğası güclənməyəcək və günortadan sonra başa çatacaq.
Tətbiqimizi yükləyə bilərsiniz
