Dekabrın 28-də Bakı-Qroznı təyyarəsinin qəzaya uğraması ilə əlaqədar Çeçenistan Respublikasında matəm elan edilib.
Yeniavaz.com “Chechnya Today”ə istinadən xəbər verir ki, bu barədə Çeçenistan Respublikasının rəhbəri Ramzan Kadırov sərəncam imzalayıb.
“2024-cü il dekabrın 25-də Qazaxıstan Respublikasının Aktau vilayətində Bakı-Qroznı marşrutu üzrə uçan “Embraer 190” təyyarəsinin aviasiya qəzası ilə əlaqədar həlak olanların ailələrinə və yaxınlarına dərin hüznlə başsağlığı verir və Qərara alıram ki, 2024-cü il dekabrın 28-də Çeçenistan Respublikası ərazisində matəm elan edilsin”, – sənəddə deyilir.
Matəm günü Rusiya Federasiyasının və Çeçenistan Respublikasının Dövlət bayraqları bütün Çeçenistan Respublikasının ərazisində endiriləcək. Həmçinin matəm günü mədəniyyət təşkilatlarına, teleradio şirkətlərinə əyləncə tədbirlərinin və verilişlərin ləğvi tövsiyə olunur.
Tətbiqimizi yükləyə bilərsiniz
