Rusiya bu gün Xəzərdən Ukraynaya çoxsaylı raketlər atıb

Ukraynanın müdafiə qüvvələri Rusiyanın atdığı 184 hava hədəfindən 55 qanadlı raketi, 4 idarə olunan raketi və 54 pilotsuz təyyarəni məhv edib.
Yeniavaz.com xəbər verir ki, bu barədə məlumat Ukrayna Hərbi Hava Qüvvələrinə məxsus rəsmi “Telegram” kanalında yayılıb.
Bu gün Ukrayna vaxtı ilə saat 12:00-a (Bakı vaxtı ilə 14:00) olan məlumatda bildirilir ki, Rusiya qüvvələri dekabrın 24-dən 25-nə keçən gecə müxtəlif tipli hava, yer və dəniz raketlərindən, eləcə də “Şahed” pilotsuz uçuş aparatlarından istifadə etməklə Ukraynanın yanacaq-energetika infrastrukturuna hücum ediblər.
Ümumilikdə, Ukrayna Hərbi Hava Qüvvələrinin radar bölmələri Rusiyanın 184 hava hədəfini aşkar edib və izləyib:
 - 2 ballistik “KN-23” raketi (Rusiyanın Voronej vilayətindən buraxılıb);
 - 10 ədəd “S-300/S-400” yer-hava raketi (Belqorod vilayətindən buraxılıb);
 - 12 “Kalibr” qanadlı raketi (Qara dənizdən atılır);
 - Tu-95MS strateji bombardmançı təyyarələrindən 50 ədəd “Kh-101/Kh-55SM” qanadlı raketləri (Volqoqrad vilayətindən və Xəzər dənizindən buraxılır);
 - Taktiki təyyarələrdən 4 ədəd “Kh-59/Kh-69” idarə olunan hava-yer raketləri (Belqorod vilayətindən buraxılıb);
 - 106 “Şahed” və müxtəlif növ pilotsuz təyyarələr (Rusiya, Bryansk, Millerovo, Orel və Primorsko-Axtarsk vilayətlərindən buraxılıb).

Saat 12:00-a olan məlumata görə, Rusiyanın 113 hava hədəfi məhv edilib.
Məlumatda qeyd olunur ki, Ruslar Ukraynanın Xarkov, Kiyev, Dnepropetrovsk, Poltava, Jitomir, İvano-Frankivsk və Zaporojjya vilayətlərindəki enerji infrastrukturunu hədəfə alıblar. Rusiyanın hücumu nəticəsində dağıntıların da olduğu bildirilir.