Qabriel Qarsia Markesin romanı əsasında çəkilmiş “Yüz ilin tənhalığı” serialının ilk səkkiz seriyası “Netflix”də yayımlanıb.
Yeniavaz.com xəbər verir ki, bu serial romanın ilk ekranizasiyasıdır.
Buna səbəb romanın müəllifinin qadağası olub. Belə ki, Buendia ailəsinin yeddi nəslinin və Kolumbiyanın uydurulmuş Makondo şəhərinin hekayəsi onun əsasında uzun metrajlı film çəkmək üçün çox geniş olduğundan, müəllif heç kimə kitabını filmə uyğunlaşdırmağa icazə verməyib.
Markes 2014-cü ildə vəfat edəndən sonra, oğulları Rodriqo və Qonzalo Qarsia Barka “Yüz ilin tənhalığı” filminin uyğunlaşdırılmasına razılıq verdilər, lakin onlar iki şərt qoydular: birincisi, bu uzun serial olmalıdır və ikincisi, Kolumbiyada və ispan dilində çəkilməlidir.
“Netflix” varislərin bütün şərtlərini yerinə yetirib.
On il əvvəl vəfat edən "Nobel" mükafatı laureatının vəsiyyəti nəzərə alınıb: serial onun vətəni Kolumbiyada və ispan dilində çəkilib, baş rollarda yalnız yerli sənətçilər çəkilib. İcraçı prodüserlər yazıçının oğulları Rodriqo və Qonzalo Qarsia Barkadır. Onlar əsərin həqiqiliyini diqqətlə izləyirlər.
Tətbiqimizi yükləyə bilərsiniz
