Konqo Demokratik Respublikasının şimal-şərqində bərənin aşması nəticəsində azı 38 nəfər ölüb, daha 100 nəfər itkin düşüb.
Yeniavaz.com xəbər verir ki, bu barədə Cənubi Afrikanın SABC radiostansiyası məlumat yayıb.
Bildirilib ki, 20 nəfəri xilas etmək mümkün olub. Lakin gözlənilir ki, qurbanların sayı xeyli arta bilər.
Hadisə şahidlərinin sözlərinə görə, bərənin göyərtəsində 400-dən çox insan olub. Bunlar əsasən Milad bayramını qeyd etmək üçün evə gedən insanlar olub.
Axtarış-xilasetmə əməliyyatları davam etdirilir. Səlahiyyətlilər hesab edir ki, bərənin aşmasına səbəb göyərtəsində çoxlu adam olması olub.
Tətbiqimizi yükləyə bilərsiniz
