Tbilisidə parlament binası yaxınlığında hökumət əleyhinə növbəti aksiya keçirilib.
Yeniavaz.com TASS-a istinadən xəbər verir ki, Rustaveli prospekti bağlanıb.
Ənənəvi olaraq, son günlər olduğu kimi, etirazçıların əsas hissəsini mərkəzi küçələrlə parlament binasına doğru gedən müxtəlif yürüşlərin iştirakçıları təşkil edib. Etiraz dinc şəkildə keçirilir, parlamentin yaxınlığında növbətçi hüquq-mühafizə orqanlarının əməkdaşları yoxdur.
Qeyd edək ki, noyabrın 28-də hakimiyyət ölkənin 2028-ci ilə qədər Avropa İttifaqına daxil olması ilə bağlı danışıqların dayandırıldığını elan etdikdən sonra Tbilisidə və Gürcüstanın digər şəhərlərində etirazlar başlayıb. Respublikanın baş naziri İrakli Kobaxidzenin sözlərinə görə, bu qərar qrant və kreditlərdən şantaj vasitəsi kimi istifadə edən avropalı siyasətçilərin qəbuledilməz hərəkətlərinə görə qəbul edilib.
Tətbiqimizi yükləyə bilərsiniz
