Dibala Türkiyə klubuna keçə bilər – Meneceri İstanbula gəlib

“Roma”da diqqətdən kənarda qalan argentinalı ulduz Paulo Dibala “Qalatasaray”a keçə bilər.
Yeniavaz.com Türkiyə KİV-ə istinadla xəbər verir ki, futbolçunun meneceri Karlos Novel ötən gün İstanbula gəlib və burada baş tutan “Qalatasaray”-“Trabzonspor” (4:3) görüşünü izləyib.
İddia olunur ki, arıtq “Sarı-qırmızılılar” Dibala üçün qarşı tərəflə danışıqlara başlayıb. 31 yaşlı argentinalı ulduzun transferi üçün meneceri ilə də görüşlər olacaq.
İstanbul təmsilçisinin Dibalaya illik 10 milyon avro təklif edəcəyi bildirilir.
Qeyd edək ki, bu mövsüm İtaliyanın A Seriyasında və UEFA Avropa Liqasında 18 matça çıxan Dibala 2 qol və 1 məhsuldar ötürmə ilə yadda qalıb.