Cənubi Koreyada yenidən prezidentin impiçmenti haqqında qanun layihəsi təqdim edildi

Koreya Respublikasının Prezidenti Yun Sok-Yölun impiçmenti haqqında qanun layihəsi Milli Assambleyanın plenar iclasında yenidən gündəmə gətirilib.
Yeniavaz.com xəbər verir ki, bu barədə “Yonhap” agentliyi məlumat yayıb.
Cənubi Koreya qanunlarına görə, impiçmentlə bağlı səsvermə parlamentin plenar iclasında müvafiq təşəbbüs təqdim edildikdən 24 saatdan gec olmayaraq, lakin 72 saatdan gec olmayaraq mümkündür.
Qeyd edək ki, ötən həftəsonu, ilk impiçment cəhdinin uğursuzluğa düçar olmasından sonra müxalifət hər həftə dövlət başçısının vəzifəsindən kənarlaşdırılması məsələsini qaldıracağına söz verib. Səsvermənin ötən dəfə olduğu kimi dekabrın 14-də təxminən saat 17:00-da (Bakı vaxtı ilə 12:00) keçirilməsi gözlənilir.
Bir gün əvvəl altı müxalifət partiyasının deputatları müvafiq sənədi parlament aparatının müvafiq orqanına təqdim ediblər. Təşəbbüsü 191 deputat dəstəkləyib. Milli Assambleyada 300 xalq nümayəndəsi var, onlardan biri formal olaraq bitərəf spikerdir. Hakim “Vətəndaş Qüvvəsi” partiyası 108 yerə nəzarət edir. İmpiçment elan etmək üçün 300 səsdən 200 səs lazımdır.