Kaliforniyanın San Fernando vadisindəki tərk edilmiş anbarda Maykl Ceksonun yayımlanmayan mahnılarından ibarət 16 kaset tapılıb.
Yeniavaz.com xəbər verir ki, bu barədə “The Hollywood Reporter” məlumat yayıb.
Bildirilib ki, səsyazmalar keçmiş Kaliforniya Yol Patrul zabiti Qreq Masqrov tərəfindən aşkar edilib.
Kasetlərin tapıldığı anbar əvvəllər musiqi prodüseri və müğənni Brayan Lorenə məxsus olub.
Ümumilikdə, kasetlərdə 15 trek var (onlardan 12-si tam tamamlanıb). Ceksonun albom üzərində 1989-1991-ci illər arasında işlədiyi güman edilir. Mahnılardan başqa, kasetlərdə Cekson və Loren arasında öz studiya işlərini və bəstələri müzakirə etdikləri söhbətlərin yazıları da var.
Mahnılar arasında “İnanma”, “Yeddi rəqəm”, "Trillerin oğlu”, “Sənə lazım olan bütün həqiqət”, “Qara paltarlı adam”, “Geri dönə bilməz”, “Gənclik haqqında həqiqət” var. Son trekdə Cekson rep oxuyur. Bu , reper LL Cool J ilə duetdə yazılmışdır (musiqiçi Ceksonla əməkdaşlıq etdiyini daha əvvəl bildirib).
Qreq Masqrov artıq Maykl Ceksonun varisləri ilə onun kəşfi ilə bağlı əlaqə saxlayıb – onlar albomları dinləyiblər, lakin naməlum səbəbdən onları almaqdan imtina ediblər. Eyni zamanda, bəstələrin heç bir sahibinin bu kompozisiyaların müəllif hüquqlarını əldə edə bilməyəcəyini açıq şəkildə ifadə etdilər. Bu o deməkdir ki, bu mahnıların rəsmi olaraq yayımlanması ehtimalı azdır.
Cavabında Masqrov tapılan yazıları kolleksiyaçılara satacağını bildirib. Bunun üçün o, dörd böyük hərrac evi ilə əlaqə saxlamaq niyyətindədir.
Tətbiqimizi yükləyə bilərsiniz
