Bu ilin noyabr ayında Azərbaycana 202,4 min nəfər əcnəbi və vətəndaşlığı olmayan şəxs gəlib.
Yeniavaz.com xəbər verir ki, bu barədə Dövlət Statistika Komitəsindən məlumat verilib.
Statistika Komitəsinin açıqladığı məlumatlardan belə görünür ki, noyabr ayında ölkəyə gələn əcnəbilərin sayı oktyabr ayı ilə müqayisədə 23,9 min nəfər və ya 10,6% azalıb.
Bu il Azərbaycana ən çox əcnəbi iyul ayında gəlib – 271,6 min nəfər. Ən az əcnəbi isə yanvar ayında təşrif gətirib – 165,8 min nəfər.
Müqayisə üçün bu il Azərbaycana gələn əcnəbi və vətəndaşlığı olmayan şəxslərin aylar üzrə sayını təqdim edirik:
Yanvar – 165,8 min nəfər;
Fevral – 175,2 min nəfər;
Mart – 172,5 min nəfər;
Aprel – 212,9 min nəfər;
May – 239,2 min nəfər;
İyun – 265,5 min nəfər;
İyul – 271,6 min nəfər;
Avqust – 245,3 min nəfər;
Sentyabr – 235,3 min nəfər;
Oktyabr – 226 min nəfər;
Noyabr – 202,4 min nəfər.
Murad Məmmədov
Tətbiqimizi yükləyə bilərsiniz
