“Barselona”nın baş məşqçisi iki oyunluq cəza aldı

İspaniyanın “Barselona” klubunun baş məşqçisi alman Hans Flik diskvalifikasiya səbəbindən klubun iki matçını buraxacaq.
Yeniavaz.com xəbər verir ki, bu barədə “Mundo Deportivo” məlumat yayıb.
Flik dekabrın 7-də İspaniya çempionatının 16-cı turunun “Betis”lə səfər matçında (2:2) qırmızı vərəqə alıb.
Mütəxəssis matçın 66-cı dəqiqəsində baş hakimin “Barselona”nın qapısına penalti təyin etməsindən narazı qalıb. Mənbənin məlumatına görə, klub apellyasiya şikayəti vermək niyyətindədir.
Qeyd edək ki, İspaniya çempionatının turnir cədvəlinə 17 oyundan sonra 38 xalla “Barselona” başçılıq edir. Növbəti iki oyunda komanda “Leqanes” və “Atletiko”ya qarşı oynayacaq. “Barselona” hər iki oyunu müvafiq olaraq dekabrın 15-də və 21-də evdə keçirəcək.