“Türkiyə Bəşər Əsəddən müsbət cavab almayıb” – Ərdoğan

“Türkiyə, çağırışlara baxmayaraq, Suriya Prezidenti Bəşər Əsəddən mövcud problemləri ikitərəfli müzakirə etmək təklifinə müsbət cavab almayıb”.
Yeniavaz.com xəbər verir ki, bunu Türkiyə Prezidenti Rəcəb Tayyib Ərdoğan İstanbulda jurnalistlərə açıqlamasında deyib.
“Xatırlayırsınızsa, biz daha əvvəl Əsədə müraciət etmişdik və Suriyanın gələcəyini birlikdə müəyyən etmək təklifini vermişdik”, - deyə Türkiyə lideri bildirib.
O deyib ki, Suriyadakı müxalif qüvvələrin irəliləyişinin problemsiz davam edəcəyinə ümid edir.
“Müxaliflərin irəliləyişi davam edir. İdliblə bağlı hər şey aydındır. Homs müxalifətin əlindədir və biz onların Dəməşqə yürüşündən danışırıq. Region çətin vəziyyətdədir və bu müxalifətin atdığı addımlar bizim istədiyimiz kimi deyil”, - deyə Ərdoğan Suriyadakı vəziyyəti və müxalif qüvvələrlə Suriya ordusu arasındakı qarşıdurmanı şərh edib.