Poroşenkonun oğlu axtarışa verildi

Ukraynanın keçmiş prezidenti Pyotr Poroşenkonun oğlu, sabiq deputat Aleksey Poroşenko hərbi komissarlığa gəlmədiyi üçün axtarışa verilib.
Yeniavaz.com xəbər verir ki, bu barədə Ukraynanın “Strana.today” nəşri məlumat yayıb.
Bildirilib ki, 39 yaşlı Aleksey Poroşenko bu il iki dəfə - sentyabrın 4-də və oktyabrın 21-də hərbi komissarlığa çağırılıb. Lakin o, hər iki çağırışa məhəl qoymayıb.
Nəşr qeyd edir ki, eks-prezidentin oğlu ehtiyatda olan leytenant hərbi rütbəsinə malikdir.
Ukrayna mətbuatının məlumatına görə, Aleksey Poroşenko həyat yoldaşı, qızı və oğlu ilə birlikdə ya Londonda, ya da Sinqapurda yaşayır. O, Ukraynada yerləşən ailə biznesini uzaqdan idarə edir.
Qeyd olunub ki, Poroşenkonun kiçik oğlu, 23 yaşlı Mixail Poroşenko isə London Biznes Məktəbində magistr proqramı üzrə maliyyə analitiki kimi təhsil alır.