“İsrailin Qəzza zolağının şimalında yerləşən Beyt Lahiya şəhərinə bir neçə hücumu nəticəsində ən azı 70 fələstinli həlak olub”.
Yeniavaz.com xəbər verir ki, bu məlumatı “Əl-Qahirə əl-İxbariyyə” telekanalı yayıb.
Anklavda işləyən həkimlərin bildirdiyinə görə, İsrail ordusunun Beyt Lahiyanın iki bölgəsini bombalaması nəticəsində 70-dən çox insan həlak olub. Ölənlərin əksəriyyətinin qadın və uşaqlar olduğu bildirilir.
Bir müddət əvvəl WAFA ən azı 18 nəfərin onlarla qaçqın ailəsinin sığındığı Əl-Mənşiyyə küçəsindəki yaşayış binalarından birinin bombalanmasının qurbanı olduğunu bildirib:
“Yerli sakinlər yaralıları və ölənlərin cəsədlərini yaxınlıqdakı xəstəxanaya çatdırmağa çalışsalar da, İsrail qüvvələri artıq dağılmış binanın yaxınlığında izdihamlı insanlara qarşı növbəti hücuma keçib. Onlarla yaralı hələ də evin xarabalıqları altındadır”.
Tətbiqimizi yükləyə bilərsiniz
