Yaponiya avtomobil nəhəngi 12 ay ərzində müflis ola bilər

““Nissan”a iflasın qarşısını almaq üçün lövbər investor tapmaq üçün bir il vaxtı var”.
Yeniavaz.com xəbər verir ki, bu barədə “Financial Times” mənbələrə istinadən məlumat yayıb.
“Yaşamaq üçün 12 və ya 14 ayımız qalıb”, - konsernin top menecerlərindən biri deyib.
“Renault” yapon şirkətindəki payını azaltmaq qərarına gəldikdən sonra yaponlar üçün çətinliklər yaranıb. Fransa konserni öz səhmlərini “Nissan” ilə alyansın yenidən qurulması planına uyğun olaraq satacaq. Nəticədə “Renault”un payı 40%-ə çatacaq (əvvəlki 45% əvəzinə). Bundan əlavə, bu rəqəmlər yenidən azala bilər.
Bununla belə, “Nissan” hələ də özünü xilas etmək yollarına malikdir. Məsələn, yaponlar bank və ya sığorta qrupunu səhmdar kimi cəlb etmək niyyətindədirlər. Bundan əlavə, “Nissan” öz səhmlərinin bir hissəsini “Honda”ya satmaq imkanını istisna etmir.
Noyabrda “Bloomberg” xəbər verib ki, “Nissan” dünya üzrə 9 minə yaxın işçini ixtisar etmək, eləcə də istehsal gücünü 20% azaltmaq niyyətindədir. Şirkət həmçinin digər avtomobil istehsalçısı “Mitsubishi Motors Corp”un 10%-ni satmaq qərarına gəlib (indi onun payı 34%-dir).
Bu addım brendin avtomobillərinin əsas bazarlarda satışlarının azalmasının nəticəsidir. Nəticədə, “Nissan” bu maliyyə ilində (2025-ci ilin martında başa çatır) əməliyyat mənfəətinin 500 milyard yendən 150 milyard yenaya (3,23 milyard dollardan 972 milyon dollara) düşəcəyini gözləyir.