Zidan PSJ-yə rəhbərlik edə bilər

Fransalı mütəxəssis Zinəddin Zidan məşqçilik karyerasını “Liqa 1”də davam etdirə bilər.
Yeniavaz.com “Transfer News Live”a istinadla xəbər verir ki, Fransanın “Paris Sen-Jermen” klubunun rəhbərliyi Zidanın namizədliyinə maraq göstərir.
Mənbənin məlumatına görə, Fransa çempionu PSJ-nin rəhbərliyi komandanın Çempionlar Liqasının pley-off mərhələsinə vəsiqə qazana bilməyəcəyi təqdirdə ispaniyalı baş məşqçi Luis Enrikeni istefaya göndərmək imkanını nəzərdən keçirə bilər.
Qeyd edək ki, Zinəddin Zidan 2016-2018 və 2019-2021-ci illərdə “Real Madrid”ə rəhbərlik edib.
Fransız məşqçi “Los Blankos”la birlikdə ikiqat İspaniya çempionu, iki dəfə İspaniya Superkubokunun qalibi və üç dəfə Çempionlar Liqasının qalibi olub.