““xAI” startapı öz fəaliyyətində süni intellektdən istifadə edəcək oyun hazırlama studiyası açacaq”.
Yeniavaz.com xəbər verir ki, bu barədə “Space X” və “Tesla” şirkətlərinin yaradıcısı, amerikalı sahibkar İlon Mask sosial şəbəkə hesabında yazıb.
“Həddindən artıq çox oyun studiyaları böyük korporasiyalara məxsusdur. “xAI” oyunları yenidən möhtəşəm etmək üçün süni intellektlə oyun studiyası açmağa hazırlaşır”, - Mask bildirib.
Qeyd edək ki, “xAI” 2023-cü ilin martında Mask tərəfindən təsis edilib. Startapın məqsədi mürəkkəb riyazi mülahizələri yerinə yetirməyə qadir olan süni intellekt yaratmaqdır.
Tətbiqimizi yükləyə bilərsiniz
