Ermənistan ordusunda yeni təyinatlar olub.
Yeniavaz.com Ermənistan mətbuatına istinadən xəbər verir ki, Ermənistan Prezidenti Vaaqn Xaçaturyanın fərmanlarına əsasən, Simon Nazaryan 3-cü ordu korpusunun, Qaqik Poqosyan isə 5-ci ordu korpusunun komandiri təyin olunub.
Xaçaturyanın digər sərəncamı ilə Albert Bağdadyan Ermənistan Müdafiə Nazirliyinin Milli Müdafiə Tədqiqat Universitetinin rəisi təyin edilib.
Albert Bağdadyan daha əvvəl Baş Qərargahın Baş Əməliyyat İdarəsi rəisinin birinci müavini olub.
Bunlardan başqa Aleksandr Tsakanyan Silahlı Qüvvələr Baş Qərargahının Baş Əməliyyat İdarəsi rəisinin birinci müavini vəzifəsinə təyin edilib və o, 3-cü ordu korpusunun komandiri vəzifəsindən azad edilib.
Levon Davidyan isə Xüsusi Təyinatlı Qüvvələrin komandiri təyin edilib və o, Baş Qərargahın Baş Kəşfiyyat İdarəsinin rəis müavini vəzifəsindən azad edilib.
Tətbiqimizi yükləyə bilərsiniz
