İsrail Müdafiə Qüvvələri (IDF) Qəzza zolağında Fələstinin HƏMAS hərəkatının bölmələrinə qarşı döyüşlər zamanı daha iki hərbçisini itirib.
Yeniavaz.com xəbər verir ki, bu barədə IDF-nin mətbuat xidməti məlumat yayıb.
Bildirilib ki, Kfir briqadasının Naçşon batalyonunda xidmət edən çavuş Tamer Osman Qəzza zolağının şimalında həlak olub. 7 oktyabr 2023-cü ildə Qəzza zolağının sərhədi yaxınlığında gedən döyüşdə ağır yaralanan tibb çavuşu Yona Bezalel Brief də dünyasını dəyişib.
Qeyd olunub ki, bununla da Yaxın Şərq münaqişəsinin yeni raundu zamanı həlak olan İsrail hərbçilərinin sayı 806 nəfərə çatıb.
Tətbiqimizi yükləyə bilərsiniz
