ABŞ-nin hazırkı Prezidenti Co Bayden və xanımı Cil Bayden yanvarın 20-də Vaşinqton administrasiyasının yeni seçilmiş rəhbəri Donald Trampın andiçmə mərasimində iştirak edəcəklər.
Yeniavaz.com xəbər verir ki, bunu Ağ Evin mətbuat katibinin müavini Endryu Beyts jurnalistlər üçün keçirdiyi brifinqdə deyib.
“Prezident söz verib ki, seçkidə kimin qalib gəlməsindən asılı olmayaraq, andiçmə mərasimində iştirak edəcək, o, birinci xanımla bu vədi yerinə yetirəcək və andiçmə mərasimində iştirak edəcək”, - Beyts deyib.
O, əlavə edib ki, Bayden Trampın andiçmə mərasimində iştirakını demokratik dəyərlərə sadiqliyin nümayişi kimi qiymətləndirir və həmçinin vurğulayıb ki, mövcud administrasiya hakimiyyətin nizamlı və səmərəli keçidini təşviq etməyə davam edəcək.
Tətbiqimizi yükləyə bilərsiniz
