Fatih Terim “Adana Dəmirspor”u ala bilər – KİV

Fatih Terimin Super Liqada iqtisadi çətinliklərlə üzləşən “Adana Dəmirspor”u almaq fikrində olduğu iddia edilir.
Yeniavaz.com Türkiyə mətbuatına istinadən xəbər verir ki, bu barədə jurnalist Onnik Azinyan məlumat yayıb.
Jurnalistin sözlərinə görə, Fatih Terimin adı yenidən 1969-1974-cü illərdə çıxış etdiyi “Adana Dəmirspor”la hallanıb. Bu mövsüm Super Liqanı sonuncu sırada tamamlayan klubun üzləşdiyi iqtisadi çətinliklərə görə Terim "Adana Dəmirspor"u almağı planlaşdırır.
“Fatih Terim, deyəsən, “Adana Dəmirspor”u almağa hazırlaşır. Belə bir ab-hava var. Eşitdim. Bu söz-söhbətdir. Ehtimal. İndi deyirlər ki, “Adana Dəmirspor”da bir növ atmosfer, hərəkət var. “Adana Dəmirspor” onun komandasıdır”, - Azinyan deyib.