Rusiya ilk dəfə Ukraynanı qitələrarası ballistik raketlə vurdu

Bu gün səhər saatlarında rus qoşunları müxtəlif tipli raketlərlə Dnepr şəhərinə hücum edib.
Yeniavaz.com UNİAN-a istinadla xəbər verir ki, bu barədə Ukraynanın Hərbi Hava Qüvvələri məlumat yayıb.
Məlumata görə, hücum zamanı Rusiya ordusu Ukrayna ərazisinə ilk dəfə RS-26 “Rubej” qitələrarası ballistik raketi atıb.
Ukrayna Hərbi Hava Qüvvələrinin məlumatına görə, raket Rusiyanın Həştərxan vilayətindən buraxılıb.
Bundan əlavə, Dneprə “MiQ-31K” qırıcıları ilə Rusiyanın Tambov vilayətindən X-47M2 “Kinjal” aeroballistik raketi, həmçinin “Tu-95MS” strateji bombardmançıları ilə Rusiyanın Volqoqrad vilayətindən yeddi “X-101” qanadlı raketi atılıb.
Hücumun əsasən kritik infrastrukturları hədəf aldığı bildirilir.
Hücum nəticəsində ölən və yaralananlar barədə məlumat daxil olmayıb.
Qeyd edək ki, RS-26 “Rubej” qitələrarası ballistik raketinin uçuş məsafəsi 6 min kilometrə, döyüş başlığının kütləsi isə 1200 kiloqrama çatır. Raket həmçinin, nüvə başlığı daşımaq üçün nəzərdə tutulur.