Dünən Azərbaycan milli komandası UEFA Millətlər Liqasında növbəti oyununa çıxıb.
Yeniavaz.com xəbər verir ki, millimiz VI turda İsveçin qonağı olub.
Oyun Solna şəhərindəki “Strouberri Arena” stadionunda baş tutub və Bakı vaxtı ilə saat 23:45-də start götürüb.
Görüşü baş hakim Pavel Raçkovski olmaqla Polşadan olan hakimlər briqadası idarə edib.
Qarşılaşma 6:0 hesabı ilə meydan sahiblərinin xeyrinə başa çatıb.
10-cu dəqiqədə Deyan Kulusevski İsveçi hesabda irəli çıxarıb. 26-cı dəqiqədə Viktor Dyökereş fərqlənib və 36-cı dəqiqədə dubl edib. İlk hissə İsveçin 3:0 hesablı üstünlüyü ilə başa çatıb.
57-ci dəqiqədə Kulusevski də dubl edib və hesabı 4:0-a çatdırıb. 58-ci dəqiqədə Dyökereş het-trikə nail olub, 70-ci dəqiqədə isə o, poker edib: 6:0.
Keçirdiyi oyunlardan sonra cəmi 1 xal toplayan millimiz D Liqasına düşüb.
Tətbiqimizi yükləyə bilərsiniz
