“Messi dünya çempionatına gedəcək” – Poçettino

“Argentina millisinin və “İnter Mayami”nin hücumçusu Lionel Messi qarşıdan gələn dünya çempionatında çıxış edəcək”.
Yeniavaz.com xəbər verir ki, bunu ABŞ-nin baş məşqçisi Maurisio Poçettino deyib.
“Messinin dünya çempionatına gedə biləcəyinə şübhəm yoxdur. İstəsə oynayar. Onun yaxşı formada olduğunu görürük. Leo çox peşəkardır və özünə diqqət yetirir. Onu dünya çempionatında görmək əla olardı. Bu həm ABŞ, həm də Argentina üçün maraqlı olacaq”, - Poçettino deyib.
Xatırladaq ki, Messi 2023-cü ilin yayında azad agent kimi Fransa PSJ-sindən “İnter Mayami”yə keçib. Bu müddət ərzində argentinalı klubda 39 oyun keçirib, bu oyunda 34 qol vurub və 19 məhsuldar ötürmə edib.