“Çox yatmaq sağlamlığınıza mənfi təsir göstərə bilər”.
Yeniavaz.com xəbər verir ki, bunu gazeta.ru-ya müsahibəsində somnoloq Natalia Zolotareva deyib.
Somnoloq xəbərdarlıq edib ki, uzun yuxu ürək-damar xəstəlikləri, insult və şəkərli diabet riskini artırır, maddələr mübadiləsini ləngidərək kökəlməyə səbəb olur, canlılığın və aktivliyin səviyyəsini azaldır ki, bu da ümumi rifahı pisləşdirir:
“Bundan əlavə, uzun müddət yuxu konsentrasiyanı və diqqəti azaldır, “dumanlı” şüur hissi yaradır, yaddaş və reaksiya müddətini pozur, xarici stimullara cavabı ləngidir. Sağlamlığı qorumaq üçün yuxunun optimal miqdarı gündə 7-8 saatdır ki, bu da bir çox xəstəliklərin inkişaf riskini azaltmağa kömək edir”.
Yuxunun keyfiyyətini yaxşılaşdırmaq üçün somnoloq həftə sonları da daxil olmaqla eyni vaxtda yatıb oyanmağı, yataq otağında qaranlıq və sakit mühitin saxlanmasını, gündüz istirahətinin vaxtını məhdudlaşdırmağı və fiziki fəaliyyətin həcmini artırmağı məsləhət görüb.
Tətbiqimizi yükləyə bilərsiniz
