Moskvanın Taqanski Məhkəməsi “Google”u Rusiyada qadağan olunmuş məlumatların silinməməsi ilə bağlı iki maddə üzrə 3,8 milyon rubl (65 min manat - red.) cərimələyib.
Yeniavaz.com xəbər verir ki, bu barədə TASS-a məhkəmənin mətbuat xidməti məlumat verib.
“Moskvanın Taqanski Rayon Məhkəməsinin qərarı ilə “Google” MMC Rusiya Federasiyasının İnzibati Xətalar Məcəlləsinin 13.41-ci maddəsinin 2-ci hissəsinə uyğun olaraq inzibati xəta törətməkdə təqsirli bilinib. Məhkəmə onu 3,8 milyon rubl məbləğində inzibati cəriməyə məhkum edib”, - mətbuat xidməti bildirib.
Qeyd edək ki, Şirkət əvvəllər də eyni qanun pozuntusuna görə analoji məbləğdə cərimə olunub. Beləliklə, cərimənin ümumi məbləği 7,6 milyon rubl (130 min manat - red.) təşkil edir.
Tətbiqimizi yükləyə bilərsiniz
