Rusiyanın Türkiyədən paltar idxalı iki dəfə azalıb

Bu ilin doqquz ayının nəticələrinə görə, Rusiyanın Türkiyədən paltar idxalı iki dəfə azalaraq 253 milyon dollara düşüb.
Yeniavaz.com “RİA Novosti”yə istinadən xəbər verir ki, dəyər ifadəsində ən çox üst geyim və trikotaj məmulatlarının alışı azalıb.
Belə ki, bu ilin ilk üç rübündə kişi üst geyimlərinin idxalı ötən ilin müvafiq dövrü ilə müqayisədə 12 dəfə azalaraq 231 min dollar, qadın geyimləri isə 5 dəfə azalaraq 147,7 min dollar olub.
Trikotaj məmulatlarının idxalı 8 dəfə, digər məhsulların idxalı isə 4 dəfə azalıb.
Rusiya Türkiyə geyimlərinin 12-ci ən böyük alıcısıdır və Türkiyə ixracının 2%-ni təşkil edir.
Bildirilir ki, Türkiyə geyimlərinin idxalında Almaniya (16%), Hollandiya (12,3%) və İspaniya (11%) ilk 3-lükdə yer alır.