2023/2024 “Qızıl top”un qalibi Rodri “Real Madrid”dənsə “Barselona”ya keçməyə üstünlük verir.
Yeniavaz.com xəbər verir ki, bu barədə “El Nacional” məlumat yayıb.
Bildirilib ki, 28 yaşlı ispaniyalı mövsüm başa çatdıqdan sonra “Mançester Siti”dən transfer etməyi düşünür.
Rodrinin qərarına bir çox amillər, xüsusən də Qvardiolanın mümkün gedişi, klubun Premyer Liqa tərəfindən mümkün sanksiyaları və karyerasında yeni çağırış istəyi təsir edib.
Qeyd edilib ki, Rodrinin özü artıq seçimini edib və “Mançester Siti”dən ayrılsa, “Barselona”ya keçmək istəyər. İspan hesab edir ki, katalonların oyun tərzi ona daha çox yaraşır və indi bu layihəni daha çox bəyənir. Bundan əlavə, “Real”a keçid Rodrinin karyerasına başladığı “Atletiko”ya xəyanət olardı.
Tətbiqimizi yükləyə bilərsiniz
