“Demansın qarşısını almaq üçün toyuq əti yemək lazımdır”.
Yeniavaz.com xəbər verir ki, bunu qastroenteroloq və diyetoloq Nuriyyə Dianova “Radio 1”ə müsahibəsində deyib.
Dianova bildirib ki, toyuq və ya hinduşka daha az doymuş və trans yağ ehtiva edir:
“Eyni zamanda, digər ətlərə nisbətən onda daha asan həzm olunan protein və dəmir var. Fərqli hissələri seçici şəkildə müqayisə etsəniz, bəzən toyuq bədən tərəfindən daha yaxşı mənimsənilən 100 qram təmiz proteini ehtiva edir. Orada çoxlu dəmir də var”.
Dianova pəhrizdə qırmızı ətin miqdarını quş ətinin xeyrinə azaltmağı tövsiyə edib:
“Çünki o, şəkərli diabet və neyrodegenerativ xəstəliklərin, o cümlədən Alzheimer xəstəliyinin qarşısını alır. Demansın qarşısını almaq üçün alimlər həftədə 3-5 dəfə toyuq və ya hinduşka əti, həftədə yalnız bir dəfə isə qırmızı ət yeməyi tövsiyə edirlər”.
Tətbiqimizi yükləyə bilərsiniz
