Türkiyənin xarici işlər naziri Hakan Fidan və ABŞ dövlət katibi Antoni Blinken arasında telefon danışığı zamanı Azərbaycan və Ermənistan arasında sülh prosesində irəliləyiş müzakirə olunub.
Yeniavaz.com xəbər verir ki, bu barədə Türkiyə xarici işlər nazirliyinin sözçüsü Öncü Keçeli X sosial şəbəkəsində məlumat verib.
“Noyabrın 12-də axşam saatlarında Türkiyənin xarici işlər naziri Hakan Fidan ilə ABŞ dövlət katibi Antoni Blinken arasında telefon danışığı olub. Söhbət zamanı nazirlər Qəzzadakı vəziyyəti, Livandakı hadisələri və Azərbaycan və Ermənistan arasında sülh prosesində irəliləyişi müzakirə ediblər”, - deyə mətbuat katibi bildirib.
Tətbiqimizi yükləyə bilərsiniz
