Amerikanın “Time” jurnalı üz qabığında ölkənin aparıcı KİV-lərinin proqnozlarına istinadla prezident seçkilərində qalib gələn Respublikaçılar Partiyasının namizədi Donald Trampın fotosunu yerləşdirib.
Yeniavaz.com xəbər verir ki, fotoda siyasətçi ilk səsvermənin nəticələri hesablandıqdan sonra çıxış edərkən əks olunub.
Jurnalın üz qabığında həmçinin “Seçilmiş Prezident Donald Tramp” (President-elect Donald Trump) sözləri yazılıb.
Qeyd edək ki, Tramp seçkilərdə səslərin yekun hesablanmasından sonra ölkə tarixində ən yaşlı dövlət başçısı olacaq. Belə ki, hazırda onun 78 yaşı var. Hətta 2020-ci ildə demokrat Co Bayden seçkilərdə qalib gələndə onun 77 yaşı var idi.
Siyasətçi həm də 45-ci və 47-ci dövlət başçısı olacaq. Belə olan halda o, 19-cu əsrin sonunda hakimiyyətdə olan demokrat Qrover Klivlenddən sonra fasilədən sonra hakimiyyətə gələn ikinci Amerika prezidenti adlanacaq.
Tətbiqimizi yükləyə bilərsiniz
