Bakıda satılan ən ucuz və ən bahalı mənzil – Fotolar

Azərbaycanda daşınmaz əmlak alanların və satanların ən çox müraciət etdikləri ünvan bu sahədə ixtisaslaşmış veb-saytlardır.
Yeniavaz.com ölkənin aparıcı veb-saytlarına istinadən hazırda Bakı şəhərində satışda olan ən ucuz və ən bahalı mənzili təqdim edir.
Qeyd edək ki, hazırda satışda olan ən ucuz mənzil Xətai metrosunun yaxınığında inşa olunan 25 mərtəbəli binanın 12-ci mərtəbəsində yerləşir. Cəmi 9 kv. metr sahəsi olan mənzilin satış qiyməti 29 min 500 manat təşkil edir. Orta təmirli olan bu mənzilin 1 kv. metri 3 min 278 manata satışa çıxarılıb.




Paytaxt Bakıda satılan ən bahalı mənzil isə “Hilton Residence”də satılır. 24 mərtəbəli “Hilton” otelinin 9-cu mərtəbəsində yerləşən 9 otaqlı mənzilin sahəsi 518 kv. metrə bərabərdir. Mənzilin satış qiyməti isə 10 milyon manat təşkil edir. Təmirsiz vəziyyətdə olan bu mənzilin 1 kv. metri 19 min 305 manata satışa çıxarılıb.



Murad Məmmədov