Sumqayıt Yaşayış Kompleksində və Lənkəran Yaşayış Kompleksində mənzillərin güzəştlə satışı barədə elan verilib.
Yeniavaz.com xəbər verir ki, bu barədə Mənzil İnşaatı Dövlət Agentliyi (MİDA) məlumat yayıb.
Bildirilib ki, Sumqayıt şəhəri, Bulvar küçəsi, 197 ünvanında yerləşən Sumqayıt Yaşayış Kompleksi üzrə 392 mənzilin, Lənkəran şəhəri, Akademik Zərifə Əliyeva küçəsi, 303 ünvanında yerləşən Lənkəran Yaşayış Kompleksi üzrə 152 mənzilin, ümumilikdə 544 mənzilin satışı 06 dekabr 2024-cü il tarixində saat 11:00-da başlayacaq və 14 dekabr 2024-cü il tarixi saat 11:00-dək davam edəcək.
Sumqayıt Yaşayış Kompleksi üzrə satışa çıxarılmış mənzillər barədə ümumi məlumat:
Lənkəran Yaşayış Kompleksi üzrə satışa çıxarılmış mənzillər barədə ümumi məlumat:
Bildirilib ki, bu elan çərçivəsində mənzillərin satışı həm ipoteka kreditindən istifadə etməklə, həm də öz vəsaiti hesabına ödəniş üsulu ilə nəzərdə tutulmuşdur.
Sumqayıt Yaşayış Kompleksi üzrə:
2 otaqlı mənzillərin qiyməti – 59 700 manatdan,
3 otaqlı mənzillərin qiyməti – 77 200 manatdan başlayır.
Lənkəran Yaşayış Kompleksi üzrə:
3 otaqlı mənzillərin qiyməti – 61 965 manatdan,
4 otaqlı mənzillərin qiyməti – 84 150 manatdan başlayır.
Tətbiqimizi yükləyə bilərsiniz
