Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) əməkdaşı agentliyə aid yük maşınının İsrail raketi ilə vurulması nəticəsində həlak olub.
Yeniavaz.com xəbər verir ki, bu barədə BMT-nin saytında məlumat verilib.
“Biz Deyr əl-Bələhdə UNRWA avtomobilinin vurulduğunu təsdiqləyirik. İndi UNRWA-nın bir əməkdaşının öldürüldüyü barədə məlumat aldıq”, - deyə BMT sözçüsü bildirib.
Qeyd edək ki, sentyabrın 11-də Qəzza zolağının mərkəzindəki Nuseyrat qaçqın düşərgəsindəki məktəbə və ətrafına iki hava hücumu nəticəsində agentliyin daha altı əməkdaşı öldürülmüşdü.
Tətbiqimizi yükləyə bilərsiniz
