Əfsanəvi futbolçu, Argentina millisindəki 1986-cı il dünya çempionu Dieqo Maradonanın oğlu Dieqo Sinaqra İspaniyanın “İbarra” futbol klubuna başçılıq edəcək.
Yeniavaz.com xəbər verir ki, bu barədə İspaniyanın “Marca” qəzeti məlumat yayıb.
Nəşrin məlumatına görə, Sinaqra ilə müqavilənin şərtləri açıqlanmayıb.
Qeyd edək ki, 38 yaşlı Sinaqra 2008-ci ildə İtaliya millisində çıxış etmiş çimərlik futbolu oyunçusu olub. O, məşqçi kimi İtaliyanın “Pompei” və “Montekalço” futbol klublarına rəhbərlik edib..
Xatırladaq ki, “İbarra” İspaniya çempionatının üçüncü divizionunda çıxış edir və yeddi turdan sonra 7 xalla 12-ci qrupda 14-cü yerdədir.
Tətbiqimizi yükləyə bilərsiniz
