Maskın sosial şəbəkəsi məhkəməyə verildi

Tayvanın “Wiwynn” şirkəti “X”i (keçmiş “Twitter” – red.) məhkəməyə verib.
Yeniavaz.com xəbər verir ki, iddia ərizəsində “Wiwynn” “X”i müqaviləni pozmaqda, vicdanlı və ədalətli sövdələşməni pozmaqda və vicdansız fəaliyyətdə ittiham edir.
“Tom's Hardware”in məlumatına görə, daha sonra iddiaya daha iki ittiham əlavə edildi: qəsdən təhrif və aldadıcı davranış.
Bildirilib ki, Mask “Twitter”i satın almadan və onun adını “X” qoymazdan əvvəl şirkət “Wiwynn” ilə xüsusiləşdirilmiş İT həlləri, o cümlədən server rəfləri təmin etmək üçün müqavilə imzalayıb. Və bu məhsullar kütləvi istehsalın bir hissəsi olmadığı üçün “Wiwynn” komponentləri əvvəlcədən sifariş etməli olub. İddiada göstərildiyi kimi, məhsulun yığılması üçün istifadə olunan komponentlər adətən unikaldır və sifariş üçün çox vaxt tələb olunur və “Twitter” tələb olunan komponentlərin alınması və ödənilməsi üçün yazılı razılıq verməyə razılaşıb.
Lakin Mask “Twitter”in sahibi olduqdan sonra server dileri ilə münasibətlər korlanmağa başlayıb. “Wiwynn”ə görə, “X” onların sifariş etdikləri server məhsulları üçün ödəniş etməyi dayandırdı və həmçinin gecikmə ilə bağlı sorğularına cavab vermədi. “Wiwynn”, “X”in tədarük etdiyi İT məhsullarına görə 32 milyon dollardan çox borcu olduğunu və həmçinin “Wiwynn”in digər təchizatçılara ödədiyi komponentlərin xərclərini ödəmədiyini iddia edir. Şirkət bəzi komponentləri digər müştərilərə sata bilsə də, şirkət “X”in hələ də ona ən azı 61 milyon dollar borcu olduğunu iddia edib.
“X”, öz növbəsində, “Wiwynn” ilə müqavilənin şərtlərini pozmadığını iddia edib, çünki o, “Wiwynn”in artıq satın aldığı və təchiz etdiyi avadanlıqların sifarişinə son təsdiqi verməyib.