Ölkəni quru yolla tərk edənlərin sayı 15% artaraq 461 min nəfərə çatıb – Rəsmi

Bu ilin yanvar-sentyabr aylarında xarici ölkələrə 1 milyon 647,1 min nəfər Azərbaycan vətəndaşı səfər edib.
Yeniavaz.com açıqlanan rəsmi məlumatlara istinadən xəbər verir ki, xarici ölkələrə səfər edən Azərbaycan vətəndaşlarının 28%-i və ya 461,2 min nəfəri ölkəni quru yolla (dəmir yolu və avtomobil) tərk edib.
Müqayisə üçün bildirək ki, ötən ilin eyni dövründə ölkəni quru yolla tərk edən vətəndaşların sayı 400,2 min nəfər olub. Nəticədə, ötən ilin eyni dövrün ilə müqayisədə bu ilin ilk 9 ayında ölkəni quru yolla tərk edən vətəndaşların sayı 15% və 61 min nəfər artıb.

Elnur Əli