37 yaşlı argentinalı hücumçu Lionel Messi milli komandalar tarixinin bombardirləri reytinqində ikinci pilləyə yüksəlib.
Yeniavaz.com xəbər verir ki, 2026-cı il dünya çempionatının seçmə mərhələsinin Cənubi Amerika turnirinin 10-cu turunun Boliviya millisi ilə ev oyununda Messi het-trik etməklə yanaşı, iki məhsuldar ötürmə edib.
Bu het-trik Messiyə əvvəllər bombardirlər siyahısında ikinci yeri bölüşdüyü iranlı Əli Daeini geridə qoymağa imkan verib.
Belə ki, bu günə qədər hər iki hücumçunun milli komandasında 109 qolu var idi. Ancaq son het-trikdən sonra Messinin Argentina millisinin heyətində qollarının sayı 112-yə çatdı.
Reytinqin lideri Portuqaliya millisində 216 oyunda 133 qol vuran 39 yaşlı Portuqaliya millisinin hücumçusu Kriştianu Ronaldodur.
Qeyd edək ki, Argentina və Boliviya arasında oyun Argentina millisinin 6:0 hesablı qələbəsi ilə başa çatıb. Qaliblərin qollarını Lionel Messi (het-trik), Lautaro Martines, Xulian Alvarez və Tiaqo Almada vurub.
Argentinanın 10 oyundan 22 xalı var və turnir cədvəlinə başçılıq edir. Boliviyanın 12 xalı var və yeddinci yerdədir.
Tətbiqimizi yükləyə bilərsiniz
