Qroznudakı partlayışın səbəbi açıqlandı: 4 nəfər ölüb – Yenilənib

Qroznıda baş vermiş partlayış nəticəsində 4 nəfər həlak olub.
Yeniavaz.com xəbər verir ki,, bu barədə Rusiya Fövqəladə Hallar Nazirliyinin mətbuat xidmətindən TASS-a bildirilib.
“Yanğın artıq söndürülüb. Təəssüf ki, ikisi uşaq olmaqla dörd nəfər ölüb”, - məlumatda deyilir.
Qeyd olunub ki, partlayışa çənə yanacaq doldurularkən təhlükəsizlik qaydalarının pozulması səbəb olub.

***17:19
Çeçenistanın paytaxtı Qroznıda yanacaqdoldurma məntəqəsində yanacaq çəni partlayıb.
Yeniavaz.com TASS-a istinadla xəbər verir ki, bu barədə Rusiya Fövqəladə Hallar Nazirliyinin mətbuat xidməti məlumat yayıb.
Bildirilib ki, partlayışın ardından şiddətli yanğın başlayıb.
“Çeçenistan Respublikası, Qroznı, Məhəmməd Əli prospekti, 14A ünvanında yanğınla bağlı məlumat daxil olub. Zərərçəkənlərlə bağlı məlumatlar dəqiqləşdirilir.”, - deyə Nazirlikdən bildirilib.