Fransanın müdafiə xərcləri 2025-ci ildə 50,5 milyard avroya çatacaq

Fransa Silahlı Qüvvələrinin xərcləri gələn il 50,5 milyard avroya qədər artacaq.
Yeniavaz.com xəbər verir ki, bu barədə AFP agentliyi Fransanın büdcə layihəsinə istinadla məlumat yayıb.
Məlumata görə, Fransa hökumətinin 2025-ci il üçün hazırladığı büdcə layihəsində müdafiə xərclərinin 3,3 milyard avro artırılması nəzərdə tutulur ki, bu da ÜDM-in 2%-i deməkdir.
Agentliyin məlumatına görə, Fransada 2017-ci ildə müdafiə xərcləri 32 milyard avro təşkil edib. Həmin tarixdən etibarən bu sahəyə ayrılan xərclər ardıcıl olaraq artırılmağa başlayıb. Əgər belə davam etsə, 2030-cu ilə qədər Fransada müdafiə xərcləri 67,4 milyard avro olacaq.
Digər tərəfdən, AFP-nin məlumatına görə, gələn il silah proqramına ayrılan xərclərin 16% artaraq, 10,6 milyard avroya qədər artırılması planlaşdırılır. Bu isə bu illə müqayisədə silah proqramına ayrılan xərclərin 8 faiz və ya 7 milyard avro artması deməkdir.