ABŞ-də oğurlanmış uşaq 73 il sonra tapıldı

1951-ci ildə Kaliforniyanın Oklend şəhərində qaçırılan altı yaşlı uşaq 73 ildən sonra tapılıb.
Yeniavaz.com xəbər verir ki, bu barədə KTSM portalı məlumat yayıb .
Luis Armando Albino qaçırıldığı gün parkda oynayırmış. Bir qadın ona yaxınlaşıb və ona konfet alacağına söz verib. Ancaq o, uşağı qaçıraraq, Şərq Sahilinə aparıb. Orada onu öz oğulları kimi böyüdən bir cütlüyə verib.
Uşağın axtarışına polis, yerli hərbi bazanın əsgərləri, sahil mühafizəsi və şəhərin digər əməkdaşları cəlb olunsa da, heç bir nəticəsi olmayıb.
Nəticədə 70 ildən artıq müddətdən sonra onu qardaşı qızı 63 yaşlı Alida Alekin tapıb.
O, Vyetnamda xidmət edən təqaüdçü yanğınsöndürən və Dəniz Piyadaları veteranı olan bir adamla 22 faiz uyğunlaşdığını göstərən DNT testi edib. Nəticədə, bu adamın onun əmisi olduğu ortaya çıxıb.
Axtarışda köhnə fotoşəkillər və qəzet parçaları da kömək edib.
Təsirli görüş zamanı Luis Albino qardaşı qızına onu tapdığı üçün təşəkkür edib. O, həmçinin il ərzində bir neçə dəfə Kaliforniyadakı ailəsinə baş çəkib. O, 2024-cü ilin avqustunda vəfat etməmişdən əvvəl böyük qardaşı Rocerlə vaxt keçirə bilib.
“Mən həmişə onu tapmaqda qərarlı idim. Mənim hekayəm eyni taleyi yaşayan digər ailələrə də kömək edə bilər”, - Alekin bildirib.
ABŞ Federal Təhqiqat Bürosu (FTB) oğurluqla bağlı araşdırmaları davam etdirir.