Almaniyanın “Bavariya” klubunun qapıçısı və kapitanı Manuel Noyer Bundesliqada bütün dövrlərin rekordunu vurub.
Yeniavaz.com “Bayern & Germany”yə istinadla xəbər verir ki, rekord sentyabrın 14-də Bundesliqanın 4-cü turunda “Holştayn” və “Bavariya” komandaları arasında oyunun nəticələrinə görə, müəyyən edilib.
Oyun Almaniyanın Kil şəhərindəki “Holştayn” stadionunda keçirilib. Oyun 6:1 hesabı ilə “Bavariya” komandasının qələbəsi ilə başa çatıb. “Holştayn” 38 yaşlı futbolçunun Almaniya çempionatında qalib gəldiyi 37-ci klub olub. Beləliklə, Noyer Bundesliqa tarixində turnirdə 37 fərqli komandanı məğlub edən ilk oyunçu olub.
Qeyd edək ki, Noyer “Bavariya”da 2011-ci ildən çıxış edir. O, buna qədər “Şalke 04” klubunda çıxış edib.
Xatırladaq ki, bu matçdan sonra “Bavariya”nın 9 xalı var. Vinsent Kompaninin komandası dörd oyundan sonra birinci yerdədir.
Tətbiqimizi yükləyə bilərsiniz
