Zidan “Mançester Yunayted”də işləmək istəmir – Səbəb

Fransalı baş məşqçi Zinəddin Zidan “Mançester Yunayted”də işləmək istəmədiyini açıqlayıb.
Yeniavaz.com xəbər verir ki, bu barədə “L'Equipe” məlumat yayıb.
Zidan dil baryerinə görə “Mançester Yunayted”ə rəhbərlik etməyəcəyini bildirib:
“Mən ingilis dilini başa düşürəm, amma bu dili tam bilmirəm. Bilirəm ki, milli dili bilmədən klublara gələn məşqçilər var. Amma mən fərqli prinsiplərlə işləyirəm”.
Xatırladaq ki, Zidanın son iş yeri 2021-ci ildə tərk etdiyi “Real Madrid” olub. Mütəxəssis kluba 3 dəfə Çempionlar Liqasında, 2 dəfə İspaniya çempionatında və Superkubokda qələbə qazandırıb.