Britaniyalı müğənni Adel Las-Veqasda qastrol səfərini başa vurduqdan sonra musiqi karyerasına uzun fasilə verəcək.
Yeniavaz.com xəbər verir ki, bu barədə 16 “Qremmi” mükafatının qalibi Münhendəki konsertində bildirib.
“Mən dincəlməliyəm. Son yeddi ildə mən özüm üçün yeni həyat qururam və indi onu yaşamaq istəyirəm. Mən sizi uzun müddət görməyəcəm. Bu inanılmaz uzun fasilə olacaq. Sizin üçün çox darıxacağam”, - Adel deyib.
36 yaşlı müğənnini qarşıda Las-Veqasdakı Kolizey Teatrında daha on konserti gözləyir. 2022-ci ilin noyabrında başlayan qastrol səfərinin son çıxışı noyabrın 23-də baş tutacaq.
Xatırladaq ki, avqustun əvvəlində Adel 42 yaşlı idman agenti Riç Polla evləndiyini açıqlayıb. Cütlük 2021-ci ildən görüşür. Britaniya tabloidlərinin məlumatına görə, onlar bu ilin iyulunda gizli şəkildə nişanlanıblar.
Tətbiqimizi yükləyə bilərsiniz
