Bu yaxınlarda buraxılmış 27695 nömrəli “Windows 11” quruluşunda, “ağıllı media axtarışı” funksiyasına istinadlar aşkar olunub.
Yeniavaz.com xəbər verir ki, bu barədə “Tom's Hardware” məlumat yayıb.
Bildirilir ki, bu alət istifadəçinin cihazında saxlanılan audio və video yazılarda olan bütün sözləri skan etmək üçün yerli süni intellekt alqoritmindən istifadə edir.
AI media axtarışı kompüterdəki bütün audio və video faylları transkripsiya edən bir vasitə kimi təsvir edilib. Gələcəkdə istifadəçi audio və ya video mətn sorğularını axtarmaq üçün “Windows”da quraşdırılmış axtarışdan istifadə edə biləcək.
Hazırda bu alət “Windows 11”in heç bir test quruluşunda mövcud deyil. Bununla belə, nəşr bildirir ki, yeni funksiyaya istinadların görünməsi onun tezliklə ən azı insayderlər üçün əlçatan olacağını göstərir.
Tətbiqimizi yükləyə bilərsiniz
