“Formula-1” üzrə Azərbaycan Qran-prisinə hazırlıqla əlaqədar Bakının bəzi küçə və prospektlərində quraşdırma işləri davam edir.
Yeniavaz.com xəbər verir ki, bu barədə Bakı Şəhər Halqası Əməliyyat Şirkəti məlumat yayıb.
Bildirilib ki, avqustun 27-də saat 23:59-dan avqustun 28-də saat 05:45-dək yerüstü piyada keçidinin quraşdırılması ilə bağlı Azneft dairəsindən Dəniz Vağzalı istiqamətində Neftçilər prospekti nəqliyyatın hərəkətinə məhdudlaşdırılacaq.
Qeyd edək ki, Azərbaycan Qran-prisi sentyabrın 13-15-i aralığında təşkil olunacaq.
Xatırladaq ki, daha öncə aparılacaq təmir işləri ilə əlaqədar Həsən bəy Zərdabi küçəsində (Əsəd Əhmədov küçəsindən “Qələbə dairəsi” istiqamətində) avtonəqliyyat vasitələrinin hərəkəti tam məhdudlaşdırılacağı barədə məlumat verilib.
Tətbiqimizi yükləyə bilərsiniz
