İsrailin Qəzzadakı itkiləri artır – İki mayor həlak oldu

İsrail Müdafiə Qüvvələri (IDF) Qəzza zolağında HƏMAS hərəkatı ilə döyüşlər zamanı iki hərbçisinin öldüyünü açıqlayıb.
Yeniavaz.com xəbər verir ki, bu barədə ordunun mətbuat xidməti məlumat yayıb.
Bildirilib ki, Fələstinin mərkəzi anklavında gedən döyüşdə IDF Logistika Korpusunun Qüds Briqada Batalyonunun 34 yaşlı üzvləri, mayor Yusif Ben Şuam və mayor Yotam Yitzak Peletz həlak olub.
Qeyd olunub ki, bununla da İsrail ordusunun Qəzza zolağında quru əməliyyatı başlayandan bəri həlak olan hərbçilərinin sayı 331-ə çatıb. Həmçinin Fələstin-İsrail münaqişəsinin yeni raundu zamanı İsrailin ümumi itkiləri 691-ə çatıb.