Mariya Stadnik 1/4 finalda uduzdu – Yenilənib

Mariya Stadnik 1/4 final görüşündə məğlub olub.
Yeniavaz.com xəbər verir ki, 50 kiloqram çəki dərəcəsində çıxış edən dördqat olimpiya mükafatçısı bu mərhələdə monqolustanlı Otqonjarqal Dolqoryav ilə qarşılaşıb.
Görüş 4:4 hesabı ilə başa çatsa da, rəqib sonuncu xal prinsipinə əsasən qələbə qazanıb.
Dolqoryav finala çıxsa, güləşçimiz bürünc medal uğrunda təsəlliverici görüşlərə qatılacaq.

***14:49
Azərbaycanın qadın güləşçisi Mariya Stadnik “Paris-2024” Yay Olimpiya Oyunlarında ilk görüşünü keçirib.
Yeniavaz.com xəbər verir ki, 50 kiloqram çəki dərəcəsində çıxış edən dördqat olimpiya mükafatçısı 1/8 finalda Almaniya təmsilçisi Anastasiya Blayvası məğlub edib.
6:2 hesabı ilə qalib gələn güləşçimiz 1/4 finala yüksəlib.