Azərbaycandan Qətərə kiloqramı 8,3 manata təbii bal ixrac olunub

Bu ilin ilk rübü ərzində Azərbaycandan xarici ölkələrə 0,49 ton təbii bal ixrac olunub.
Yeniavaz.com açıqlanan rəsmi statistikaya istinadən xəbər verir ki, ixrac olunan təbii balın 1 kiloqramının orta gömrük dəyəri təxminən 35 manat (20,8 dollar) olub.
Qeyd edək ki, təbii bal 2 ölkəyə – Birləşmiş Ərəb Əmirlikləri (BƏƏ) və Qətərə ixrac edilib. Bu ilin ilk 3 ayı ərzində BƏƏ-yə 210 kiloqram, Qətərə isə 190 kiloqram təbii bal göndərilib. Ölkədən çıxan 80 kiloqram təbii balın isə hansı ölkəyə aparıldığı məlum deyil.
Onu da qeyd edək ki, BƏƏ-yə ixrac olunan balın 1 kiloqramının orta gömrük dəyəri 58,4 manat (34,3 dollar), Qətərə ixrac olunan balın 1 kiloqramının orta gömrük dəyəri isə 8,3 manat (4,9 dollar) olub. Bilinməyən ölkəyə ixrac olunan 80 kiloqram təbii balın 1 kiloqramının orta gömrük dəyəri 43,3 manat (25,5 dollar) təşkil edib.
Məlumat üçün onu da bildirək ki, ötən il Azərbaycandan Qətərə 360 kilqoram bal ixrac edilib və 1 kiloqramının orta gömrük dəyəri 28 manat (16,4 dollar) olub.

Elnur Əli